基督徒沒人性？

有時親友都會問我，“喂信基督教D人好鬼沒人性，老板出糧比你，你感謝神，老豆養你，你又多謝神。” 呢D人完全本未倒置， 唔識珍惜眼前人。呢度我想講一講，其實基督教基中一個最重要既教義就係感恩。係我既人生行到來呢一步，我一定要多謝我既媽媽，我本身係一個好過份既人，好多人，好似我家姐都曾經叫佢放棄我。但係我媽媽不單止沒放棄我，反而用盡佢既愛心去教導我。另外我亦好感謝祥叔由細到大當我係自己親生仔咁看待。 可能大家會問，“係LOR， 多謝來多謝去都係你身邊既人，點解你要多謝神？”

好， 用返中國人既講法，我同媽媽同祥叔既關係係一種緣份， 沒得解。正如大部份學者認同，由孔子開始中國人理解既天就係一種道德既融合，當中天和人的關係就係人由天導中理解人性，天和人沒有一種人性的關係。但係對基督教來講， 如果神等同天，天係有又有人性和又有神性既存有， 係呢個情況緣份就可以比解釋。緣份應該看成天對人既安排。 用返我既例子，我媽媽同祥叔對我好，係因為佢地對我好錫我 。但係最基本，如果神唔放我係呢堆咁好既人中間，我根本沒基會比佢地愛，比佢地關心。用一個例子，一個地方有好既土壤，好既陽光，好既水源，但係如果一棵值物唔係呢個地方，有幾好既還境都係一種浪費。所以如果珍惜眼前人係緊要，但係我否定放我係度既神，講真我自己都覺得講唔通。