鄭生你大約幾錢先會放你層樓？

呢個多月都不停收到地產代理打來問價，通常對話都係

A：鄭生你27C重放賣緊？

我：沒啦，自住。

A：如果好價會唔會CONSIDER？

我：唔會啦，唔該你。

其實我會問，點先算係好價？而家係香港島，你沒400萬我諗你都唔使想買樓。好啦，當銀行估層樓值＄200，即係＄200係最“低”我應該賣既價。正常來講好價即係25﹪﹣50﹪多過市價。但係最慘係我住緊個度係“日不升國”當全世界升，佢都係好堅持咁企係度。假設我用銀行個價加一半，即係＄300賣左而家層樓，如果我要係炮台山買返層樓，結果係：

1：居住還境差左，而家我頂樓有天台，開揚唔使樓對樓。

2：住既樓一定老過我而家個層。

OF COS，有人會話你而家賣，一層變兩層，二變四，沒人叫你賣左北角樓，買返北角樓，你可以買2層遠D既樓，人地幫你供埋。好就當呢樣野係真，我會問係唔係賺緊？係唔係一定有人租？如果呢個COLLECTION係一個真理，點解香港有窮人？

返到尾，即係好價，對我來講，如果我賣左呢度，我要買返一間居住還境比而家好既而唔係相對我買人樓價好既價錢。即係銀行話＄200，而家個市我要賣＄400，親愛既地產代理你話比我知點賣？