太平館餐廳，野就幾好食，伙計沒禮貌個度死啦。

今日一家人星期日如常食飯，媽媽想食BB鴿，龍華遠就選左白沙道既太平館。記得細過去過一次印象中D野食只係一般。今日再去到，個感覺其實唔錯，D人比我既感覺友善。基本上一路上菜到甜品之前都沒咩事。小熊見人食梳乎里之後我地又叫一個啦，點知：

“吓，8個人叫一個呀？” 個長毛伙計“好好心”咁問我地，驚我地唔夠食，當然呢D人我地只會抱住尊敬既心去睇啦。

到差唔多食完，媽咪拿左表姐比我地D蝦想分比我地，個個好好既待應，一臉輕視既態度係度同另一個人講，“嘩！一分二！”

我想問，我地唔係係你地個地方食野只係係唔阻你地張台既情況分自己D野，真係唔知有咩問題。當然面係人比，架係自己點大家都知，先我問個經理佢地點Train人，之後長毛行過一次，我指佢一次。如果唔係媽媽地阻止，我直接叫佢過來問，睇下邊個無引？

總結

食物：3.5/5 （梳乎里夠大件，雞翼出名係有原因，其它野亦做得不錯，最出色係個魚好好味）
地方：3/5 （幾懷舊）
人事：3/5  （基本上長毛之外，呢D唔怕沒客來既地方算OK）
價錢：大約＄150 1位